او پی ایس اہلکارنرسوں کوہراساں کرنے میں ملوث ہیں‘ینگ نرسز ایسوسی ایشن

کراچی (اسٹاف رپورٹر) ینگ نرسز ایسوسی ایشن (وائی این اے) لیاری چیپیٹر نے سندھ گورنمنٹ لیاری جنرل اسپتال میں کام کرنے والی نرسوں کے تحفظ اور او پی ایس اہل کاروں کو ان کے عہدوں سے ہٹانے کا مطالبہ کیا ہے۔ وائی این اے لیاری چیپیٹر کراچی نے کراچی پریس کلب پر احتجاجی مظاہرہ کیا۔ مظاہرین نے بینرز اور پلے کارڈ اٹھا رکھے تھے جن پر نرسوں کے تحفظ، اسپتالوں میں سیاست نہیں، او پی ایس حکام اور دیگر کو ہٹایا جائے، کے نعرے درج تھے۔ مظاہرین کا کہنا تھا کہ اسپتال کے احاطے میں نرسوں کو ہراساں کرنا ایک عام بات ہوگئی ہے اور اس حالت میں نرسوں کو اپنے فرائض کو جاری رکھنے کے لیے بے حد پریشانی کا سامنا کرنا پڑ رہا ہے۔