ترک صدر رجب طیب اِردوان آج بڑی خوش خبری سنائیں گے

انقرہ (انٹرنیشنل ڈیسک) ترک صدر رجب طیب اِردوان نے کہا ہے کہ ترکی کے لیے ایک بڑی خبر ہے جس کا اعلان وہ آج جمعہ کے روز کریں گے۔ خبر رساں اداروں کے مطابق ترک صدر نے کہا کہ اگر میں یہ خبر ابھی دے دوں تو ہم اپنا جوش وخروش کھو دیں گے، لہٰذا مجھے لگتا ہے ابھی یہ خبر دینے کا درست وقت نہیں ہے۔ دریں اثنا ترک ایوان صدر کے ذرائع کا کہنا ہے کہ ترکی رواں ہفتے کے آخر میں مشرقی بحیرہ روم میں نئے گیس فیلڈ کی دریافت کا اعلان کرے گا۔ علاوہ ازیں ماہرین کو توقع ہے کہ صدر اِردوان گیس کے نئے ذخائر دریافت کرنے کا اعلان کریں گے۔