اسلام آباد: وزیراعظم عمران خان نے حکومتی اور پارٹی ترجمانوں کا اجلاس آج شام طلب کرلیا۔
تفصیلات کے مطابق وزیراعظم عمران خان کی زیرِ صدارت ہونے والے اجلاس میں ملکی سیاسی اور معاشی صورتحال کا جائزہ لیا جائے گا۔
اجلاس میں سابق وزیراعظم نواز شریف سے متعلق عدالتی فیصلے پر بریفنگ ہوگی، نوازشریف کی وطن واپسی سے متعلق قانونی آپشنز سے متعلق بات ہوگی۔
اجلاس میں اپوزیشن بیانیہ سے نمٹنے کے لیے حکمت عملی پر مشاورت ہوگی، کراچی کی صورتحال اور وفاق کے اقدامات کے حوالے سے آگاہ کیا جائے گا، کراچی ٹرانسفارمیشن پلان کے خدوخال پر بریفنگ ہوگی۔
وزیراعظم اجلاس میں سیاسی صورتحال میں حکومتی بیانیہ پر مشاورت کریں گے، وزیراعظم ترجمانوں کو حکومتی بیانیہ سے متعلق گائیڈ لائنز دیں گے۔
