بھارتی حکومت نے جموں کشمیر میں شہریوں کو بغیر کسی مستقل رہائشی سرٹیفکیٹ کے بغیر زمین خریدنے کی اجازت دے دی۔
غیر ملکی نیوز ایجنسی کے مطابق مودی سرکار کی جانب سے لاگو کیے گئے نئے قانون کے مطابق اب بھارت کا کوئی بھی شہری جموں و کشمیر میں زمین خرید سکتا ہے۔
وزارت داخلہ نے جموں و کشمیر اور لداخ میں زمین سے متعلق نوٹیفکیشن جاری کیا ہے جس کی رو سے ملک کا کوئی بھی شہری جموں کشمیر میں فیکٹری ، گھر یا دوکان کیلئے زمینیں خرید وفروخت کرسکتا ہے۔ اس کیلئے مستقل رہائشی سرٹیفکیٹ کی لازمی شرط بھی منسوخ کردی گئی ہے۔
