نئی دلی: بھارتی حکومت اور کسانوں کے مابین معاملات تاحال طے نہ ہوسکے۔ دونوں کے درمیان آج ہونے والے مذاکرات منسوخ ہوگئے۔
مذاکرات کسان رہنماؤں کی جانب سے منسوخ کیے گئے۔ کسان رہنماؤں اور وزیر داخلہ امیت شاہ کی گزشتہ رات میٹنگ کے باوجود دونوں میں ڈیڈ لاک بر قرار ہے۔
بھارت میں 3 نئے زرعی قوانین کے خلاف کسانوں کا احتجاج 14 ویں روز بھی جاری ہے۔
کسان رہنماؤں کا کہنا ہے کہ صرف قوانین کی منسوخی کے لیے حکومتی تحریری تجویز پر غور کیا جائے گا۔ زرعی قوانین پر حکومت کی تحریری تجویز ملنے پر اگلا لائحہ عمل طے کریں گے۔
بھارتی میڈیا کے مطابق نئی دلی کے مضافات میں بھارتی کسانوں کا احتجاج جاری ہے۔ کسان کئی دنوں سے دلی جانے والی مختلف ہائی ویز پرموجود ہیں۔ کسان کی جانب سے گزشتہ روز ملک گیر ہڑتال بھی کی گئی تھی۔
