لاہور: اچھرہ بازار میں فائرنگ سے تاجر کا بیٹا قتل ہوگیا،لواحقین نے میت سڑک پر رکھ کر پولیس کے خلاف احتجاج شروع کردیا جس کے نتیجے میں ٹریفک جام ہوگیا۔
میڈیا رپورٹس کے مطابق مظاہرین کے شرکاء نے پولیس پر الزام لگایا کہ اچھرہ بازار میں پولیس مافیا سرگرم ہے، پولیس کارروائی نہیں کرتی،جس کی وجہ سے دہشت گردوں کو کھلی چھوٹ ملی ہوئی ہے۔
لواحقین کے احتجاج کے باعث اچھرہ سے قذافی اسٹیڈیم تک بدترین ٹریفک جام ہوگیا، ضلعی قیادت مذاکرات کی کوشش کررہی ہے۔
واضح رہے کہ اسلام آباد میں بھی تاجر کے بیٹےکی گاڑی پر پولیس اہلکاروں نے 22گولیاں مار کر ہلاک کیا تھا۔
