ڈیرہ مراد جمالی (اے پی پی) سبی کے تحصیل لہڑی کے علاقے گوڑی میں بارودی سرنگ میںدھماکا۔ دھماکے میںایک خاتون جاں بحق جبکہ2 کمسن بچیاں شدید زخمی ہو گئیں۔ واقع کی اطلاع ملنے کے بعد لیویز اور سیکورٹی فورس کے اہلکار موقع پر پہنچ کر زخمیوں کو آر ایچ سبی لہڑی منتقل کردیا گیا۔ بعدازاںعلاقے کی ناکہ بندی کرکے شواہد اکھٹا کرنا شروع کردیا۔ دوسری جانب زخمی خاتون اور بچیوں کو طبی امداد کے بعد سول اسپتال سبی منتقل کردیا گیا جبکہ راستے میں خاتون زخموں کی تاب نہ لاتے ہوئے دم توڑ گئی۔ دھماکے میں جاں بحق خاتون کی شناخت کمال خاتون جبکہ زخمی ہونے والی بچیوں کی شناخت فریدہ اور شریفاں کے نام سے ہوئی ہے۔
