پاکستان کی سکیورٹی فورسزنے شمالی وزیرستان میں آپریشن کرتے ہوئے 3 دہشت گردوں کو جہنم واصل کردیا۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خفیہ اطلاعات پر شمالی وزیرستان کے علاقے میر علی میں آپریشن کے دوران علیم خان خوشالی گروپ کے 3 دہشت گردوں کو ہلاک کردیا۔
آئی ایس پی آر کے مطابق آپریشن میں دہشت گردوں کے مشتبہ ٹھکانوں کو نشانہ بنایا گیا۔
ہلاک دہشت گرد سکیورٹی فورسز پرحملوں، بھتا خوری سمیت ٹارگٹ کلنگ اور اغوا برائے تاوان کی وارداتوں میں ملوث تھے۔
جنوبی وزیرستان میں 12 فروری کو دہشت گردوں کی جانب سے سکیورٹی چیک پوسٹ پر حملہ کیا گیا جس میں پاک فوج کے 4 جوان شہید ہوئے۔ جب کہ جوابی کارروائی میں 4 دہشت گردوں کو ہلاک کیا گیا۔
شہید ہونے والوں میں لانس نائیک عمران علی، سپاہی عاطف جہانگیر، سپاہی انیس الرحمان اور عزیر شامل تھے۔
