کولمبیا میں ہزاروں افراد نے ملک میں ایک ماہ سے زائد عرصے سے جاری اجتماعی مظاہروں کے خاتمے کے لیے جلوس نکالا۔
دارالحکومت بگوٹہ میں یکجا ہونے والے مختلف شعبہ جات کے نمائندوں، دکانوں کے مالکین اور شہریوں نے احتجاجی مظاہروں سے ملکی معیشت تباہ ہونے کا کہتے ہوئے اس عمل کو ختم کیے جانے کی اپیل کی ۔
جلوس کے دوران نعرے لگانے والے ہجوم نے سڑکوں کی ناکہ بندی کو ختم کرنے اور سیکیورٹی قوتوں کے خلاف حالیہ ایام میں بڑھنے پر تشدد مؤقف کے خاتمے کی درخواست کی۔
خیال رہے کہ ملک میں 32 دنوں سے ابتک ’قومی ہڑتال‘ کے دائرہ عمل میں شاہراوں کو مظاہرین کی جانب سے اکثر بند کرنے اور ناکہ بندیوں سے تجارتی سرگرمیاں بُری طرح متاثر ہوئی تھیں اور اس سے اشیا ئے استعمال کے نرخوں میں اضافہ ہوا تھا۔
دوسری جانب کولمبین صدر ایوان دوق کی ہدایت پر مظاہروں کا زور ہونے والے 8 علاقوں اور 13 شہروں میں فوج کو مقامی حکام کے ساتھ رابطہ قائم کا موقع فراہم کیا جائیگا اور پولیس سے مزید تعاون کیا جائیگا۔
