پاکستان میں سائبر حملوں کا خطرہ وفاقی حکومت نے تمام صوبوں کو اہم ہدایات جاری کردیں

پاکستان میں سائبر حملوں کا خطرہ ہو نے پر وفاقی حکومت نے محکموں اور صوبائی حکومتوں کو ہدایات جاری کردی کہ سپلائی چین اٹیک کے ذریعے سرکاری کمپیوٹرز کی ہیکنگ کا خطرہ نظر آرہاہے۔ پنجاب بینک، پنجاب ریونیو اتھارٹی اور محکمہ خزانہ کے شعبہ جات کے سربراہان کو مراسلےجاری کردئے گئے ہیں۔ اور وفاقی حکومت نے تمام ڈویژنل کمشنرز، ڈپٹی کمشنرز،سینئر ممبر بورڈ آف ریونیو و آئی جی پنجاب کو بھی مراسلے بھیجے گئے ہیں کہ وہ سائبر حملہ ہونے سے پہلے ہی خود کو محفوظ کرلیں۔وفاقی حکومت کو خدشہ ہے کہ ہیکرز سافٹ ویئر کے ذریعے سرکاری کمپیوٹرز کا ڈیٹا چوری کر لیتے ہیں۔ اینٹی وائرس سپیم فائل کو  شناخت کرنے میں ناکام ہے۔ ہیکرز کئی مغربی ممالک میں بھی سپلائی چین اٹیک کے ذریعے حساس ڈیٹا چوری کر چکے ہیں۔لہذا تمام سرکاری ادارے غیر متعلقہ اور مشکوک فائلز کھولنے سے احتیاط کریں۔