بنگلہ دیش کے مقامی ٹی20 ٹورنامنٹ میں اسٹار آل راؤنڈر شکیب الحسن کرکٹ کے اصولوں کے انحراف کرتے ہوئے تمام قوانین بھلا بیٹھے اور امپائر کے فیصلے پر ناراضی کا اظہار کرتے ہوئے وکٹیں اکھاڑ کر پھینک دیں۔
ڈھاکا پریمیئر ڈویژن ٹی20 کرکٹ لیگ میں محمڈن اسپورٹنگ کلب اور اباہانی لمیٹیڈ کے درمیان میچ کھیلا گیا جس میں شکیب نے ایک نہیں بلکہ دو مرتبہ خراب رویے کا مظاہرہ کیا اور کرکٹ قوانین کی دھجیاں اڑا کر رکھ دیں۔
اباہانی لمیٹیڈ کے کپتان نے 27 گیندوں پر 37 رنز کی اننگز کھیلی جس کی بدولت ان کی ٹیم 6 وکٹوں کے نقصان پر 145 رنز ہی بنا سکی۔
ہدف کے تعاقب میں محمڈن کلب 21 رنز پر 3 وکٹیں گنوا چکا تھا اور اننگز کے پانچویں اوور کی پانچویں گیند پر شکیب نے مشفیق الرحیم کے خلاف ایل بی ڈبلیو کی اپیل کی۔
Look At Shakib Rude Behavior In Dhaka T20 League.🤢 pic.twitter.com/5itTtNT9kp
— #SHEKHAWAT👑 (@Shekhaw75103702) June 11, 2021
امپائر نے وکٹ کیپر بلے باز کو ناٹ آؤٹ قرار دیا لیکن شکیب نے یہ فیصلہ تسلیم نہ کیا اور برہمی کا اظہار کرتے ہوئے لات مار کر وکٹیں گرا دیں اور امپائر سے آؤٹ نہ دینے پر بحث کرتے رہے۔
ابھی یہ معاملہ رفع دفع بھی نہیں ہوا تھا کہ پاور پلے کے دوران ہی ایک مرتبہ پھر امپائر کے فیصلے پر شکیب اپنے جذبات قابو میں رکھ سکے اور آ کر وکٹیں اکھاڑ کر پھینک دیں۔
شکیب کو اس رویے کی وجہ سے کرکٹ حلقوں شائقین کی جانب سے شدید تنقید کا سامنا کرنا پڑ رہا ہے۔
اب دیکھنا ہو گا کہ بنگلہ دیش کرکٹ بورڈ ڈومیسٹک ٹی20 لیگ میں اس خراب رویے پر شکیب الحسن کے خلاف کیا کارروائی کی جاتی ہے۔
بعدازاں مایہ ناز آل راؤنڈر نے فیس بک پوسٹ کے ذریعے شائقین سے اپنے رویے کی معافی مانگ لی۔
One more… Shakib completely lost his cool. Twice in a single game. #DhakaLeague Such a shame! Words fell short to describe these… Chih… pic.twitter.com/iUDxbDHcXZ
— Saif Hasnat (@saifhasnat) June 11, 2021
