افریقی ملک یوگنڈا میں کم از کم 800 افراد کو جعلی کورونا ویکسین لگانے کا انکشاف ہوا ہے۔
بتایا گیا ہےکہ ان ویکسینز کی اکثریت دارالحکومت کمپالا کے نجی اسپتالوں 15 مئی تا 18 جون کے درمیان لگائی گئی تھی۔
اس حوالے سے شعبہ صحت کے ایک افسر واران نمارا نے بتایا ہے کہ مئی کے وسط سے اب تک جعلی ویکسینز لگانے کے 800 واقعات ہو چکے ہیں جن میں اضافے کا بھی خدشہ ہے۔
اس واقعے میں ملوث دو افراد اور ایک ڈاکٹر کی تلاش جاری ہے۔
یوگنڈا کی وزارت صحت نے بتایا ہے کہ اب تک ملک بھر میں 79 ہزار سے زائد کورونا متاثرین پائے گئے ہیں جبکہ اموات کی تعداد نو سو ہے اور 8 لاکھ 43 ہزار افراد کو ویکسین لگائی جا چکی ہے۔
