مون سون نے کراچی میں ڈیرے ڈال لیے طلوع آفتاب کے ساتھ شہر کے مختلف علاقوں میں بارش کاسلسلہ
شروع ہوا جو وقفے وقفے سےجاری ہے۔
گلشن حدیدمیں سترہ،نوری آبادمیں آٹھ،پی اے ایف فیصل میں پانچ،یونیورسٹی روڈپرچاراعشاریہ تین،نارتھ
کراچی میں چاراعشاریہ دو،لانڈھی میں چار،سعدی ٹاون میں تین اعشاریہ چھ،جناح ٹرمینل پرتین اعشاریہ دو
سرجانی میں دواعشاریہ آٹھ ،مسروربیس اورناظم آباد میں ایک ایک ملی میٹربارش ریکارڈکی گئی۔
محکمہ موسمیات کے ترجمان سردارسرفرازکےمطابق یہ پندرہ سولہ اورسترہ تینوں دن ہے ممکن ہے عیدکےدنوں
تک سلسل چلتارہے تو یہ چار سے پانچ دن کااسپیل ہوگا۔
اس میں سولہ سترہ تاریخ کو کچھ زیادہ باقی دنوں میں کم ہے۔ شہرمیں بارش کے بعد بجلی فراہمی کی
صورتحال جزوی متاثرہوئی۔
ترجمان کےالیکڑک کےمطابق بلدیہ ، سرجانی ، کلفٹن اور ڈی ایچ اے کے کچھ حصے متاثر جبکہ گڈاپ کا
علاقہ سب سے زیادہ متاثر ہوا ہے۔
بارش کی وجہ سے پانچ سوفیڈرز سے بجلی کی فراہمی متاثرہوئی شہر کے بیشتر حصے میں بجلی نام کی
کوئی شہہ موجود نہیں ہے۔۔
