بھارت میں کسانوں کے احتجاج میں 8 افراد کی ہلاکتیں ہونے پر یہ معاملہ شدت اختیار کر گیا ہے۔ پولیس نے کارروائی کرتے ہوئے کانگریس کی رہنما پریانکا گاندھی اور نوجوت سنگھ سدھو سمیت متعدد رہنماؤں کو گرفتار کر لیا ہے۔
بھارت میں کسانوں پر بی جے پی رہنما کے بیٹے نے گاڑی چڑھا دی تھی، جس کے نتیجے میں 8 افراد ہلاک ہوئے جن میں 4 کسان بھی شامل ہیں۔
Arrested for protesting against atrocities of the Central Govt … barbaric murders of farmers in Lakhimpur Kheri, UP. We stand firmly with the Farmers, till our last breath !! pic.twitter.com/YpwhSitS8q
— Navjot Singh Sidhu (@sherryontopp) October 4, 2021
واقعے کے بعد مشتعل کسانوں نے متعدد سرکاری گاڑیوں کو آگ لگادی۔ کسان رہنماؤں کا کہنا ہے کہ گاڑی میں نائب وزیر داخلہ کا بیٹا موجود تھا جس نے یہ حرکت جان بوجھ کر کی۔
خبریں ہیں کہ بھارتی لوک سبھا کے رکن اکھلیش یادیو کی گرفتاری بھی عمل میں لائی گئی ہے۔ لکھنو شہر میں پولیس اور سماج وادی پارٹی کے کارکنوں میں تصادم ہوا، کارکنوں نے کئی گاڑیوں کو آگ لگا دی۔
Courage, thy name is @PriyankaGandhi !! pic.twitter.com/XQ45nL2aVf
— Navjot Singh Sidhu (@sherryontopp) October 4, 2021
ریاست چھتیس گڑھ اور پنجاب کے وزرائے اعلیٰ کو اترپردیش میں داخلے سے روک دیا گیا ہے جبکہ دونوں ریاستوں کے بارڈر کو بھی سیل کر دیا گیا ہے تاکہ مظاہرین کو داخل ہونے سے روکا جا سکے۔
भाजपा सरकार किसानों को कुचलने की राजनीति कर रही है, किसानों को खत्म करने की राजनीति कर रही है। pic.twitter.com/51R5Kmt41B
— Priyanka Gandhi Vadra (@priyankagandhi) October 4, 2021
ریاست اتر پردیش میں کسان نائب وزیراعلیٰ اجے مشرا کی آمد پر احتجاج کے لیے جمع ہوئے تھے، احتجاج کے دوران اچانک 3 گاڑیاں تیزی سے آئیں اور وہاں موجود کسانوں کو روندتے ہوئے چلی گئیں۔
