لندن: برطانیہ میں رکن پارلیمنٹ ڈیوڈ ایمز کو چاقو کے وار سے قتل کرنے والا نوجوان صومالیہ کے وزیراعظم کے سابق مشیر حربی علی کلان کا بیٹا نکلا ہے۔
عالمی خبر رساں ادارے کے مطابق برطانیہ کے رکن پارلیمنٹ ڈیوڈ ایمز کو حلقے میں ووٹرز سے ملاقات کے دوران حملہ کرکے ہلاک کرنے والے چاقو بردار نوجوان کو پولیس نے آلہ قتل سمیت گرفتار کرلیا تھا، جس کی شناخت علی حربی کے نام سے ہوئی ہے۔
علی حربی صومالیہ کے وزیر اعظم کے سابق مشیر حربی علی کا بیٹا ہے، حربی علی کلان نے بیٹے کی برطانیہ میں گرفتاری کی تصدیق کرتے ہوئے کہا کہ بیٹے کے لیے قانونی چارہ جوئی کا فیصلہ کیا ہے۔
تفتیش کاروں کا کہنا ہے کہ یہ انفرادی طور پر کیا گیا قتل تھا، تاحال علی حربی کے کسی شدت پسند جماعت سے منسلک ہونے یا کسی سے ہدایات لینے کے شواہد نہیں ملے ہیں۔
