کراچی (اسٹاف رپورٹر) کے ایچ اے انٹر کلب ہاکی ٹورنامنٹ کے سیمی فائنل آج کھیلے جائیں گے، پہلا سیمی فائنل کراچی گلیڈی ایٹر اور حنیف خان الیون جبکہ دوسراسیمی فائنل میں یوتھ ہاکی کلب بلو کا مقابلہ وائی ایچ سی اورنج سے ہوگا، فائنل جمعرات کو شیڈول ہے، کراچی ہاکی ایسوسی ایشن کے زیر انتظام کے ایچ اے اسپورٹس کمپلیکس گلشن اقبال میں جاری انٹر کلب ہاکی ٹورنامنٹ کی فائنل فور کا فیصلہ ہوگیا، آخری کوارٹر فائنل میں حنیف خان الیون کے ایچ سی نے نیشنل کلب کو سخت مقابلے کے بعد 2-3 سے شکست دیکر سیمی فائنل میں اپنی سیٹ پکی کرلی، پہلے ہاف کے ساتویں، بیسویں اور اکیسویں منٹ میں محمود علی خان، عمران خان اور کاشف جواد نے گول کرکے اپنی ٹیم کو 0-3 برتری دلادی۔
