دمشق (انٹرنیشنل ڈیسک) شام میں موسم سرد ہوتے ہی پناہ گزینوں کی مشکلات میں مزید اضافے ہوگیا اور ضرورت انسانی کی بنیادی اشیا سے محروم بے گھر افراد سردی میں ٹھٹھرنے لگے۔ اقوام متحدہ کے اعداد و شمار کے مطابق شام میں 10برس سے جاری خانہ جنگی کے باعث 36 لاکھ سے زائد شامی شہری دربدر ہوچکے ہیں۔ گزشتہ برس بھی موسم سرما کے دوران بارش کے باعث مہاجرین کی حالت انتہائی خستہ ہوگئی تھی اور سخت ٹھنڈ میں ان کے عارضی خیمے زیر آب آگئے تھے۔
