سری نگر:بھارت مقبوضہ کشمیرمیں دوبارہ بارڈرسیکورٹی فورس تعینات کرے گا۔
بھارتی میڈیا رپورٹس کے مطابق مقبوضہ کشمیرمیں 14 سال بعد بارڈرسیکورٹی فورس(بی ایس ایف)کوبھی تعینات کیا جائے گا،قابض بھارت کے اس فیصلے کا مقصدکشمیریوں کے گرد مزید گھیرا تنگ کرنا ہے۔
مقبوضہ کشمیرمیں بھارتی فوج،سینٹرل ریزروپولیس فورس پہلے ہی تعینات ہیں۔بی ایس ایف کوسری نگر،پلواما،شوپیاں،بارہ مولا اوردیگرعلاقوں میں تعینات کیا جائے گا۔مقبوضہ کشمیرمیں جاری تحریک آزادی کوطاقت کے زور پردبانے کے لئے 1989میں بی ایس ایف کوتعینات کیا گیا تھا تاہم 2005کے بعد مرحلہ وارہٹا دیا گیا تھا۔مقبوضہ کشمیرمیں قابض بھارتی کی ظالمانہ کارروائیاں جاری ہیں۔
