گال(جسارت نیوز)سری لنکا اور ویسٹ انڈیز کے درمیان گال ٹیسٹ کے پہلے دن سری لنکن اوپنر دیموتھ کرونارتنے کے اسٹروک سے ویسٹ انڈین فیلڈر جرمی سولوزانو زخمی ہوگئے۔ شارٹ لیگ پر فیلڈنگ کرنے والے سولوزانو کے ہیلمٹ پر دیموتھ کرونارتنے کی لگائی گئی ہٹ لگی جس کے باعث وہ میدان میں گر پڑے ۔ڈیبیو ٹیسٹ کھیلنے والے جرمی سولوزانو کو ابتدائی طبی امداد کے بعد اسٹریچر پر میدان سے باہر لے جایا گیا ۔
