طرابلس (انٹرنیشنل ڈیسک) لیبیا میں انتخابی کمیشن نے صدارتی انتخابات کے لیے کاغذات نامزدگی جمع کرانے کا وقت ختم ہونے کا اعلان کردیا۔ الیکشن کمیشن کے مطابق انتخابات کے لیے 90 سے زیادہ امیدواران نے اپنی نامزدگی کے کاغذات جمع کرائے۔ امیدواران میں 2خواتین بھی شامل ہیں۔ کاغذات نامزدگی کی وصولی کا سلسلہ 8 نومبر کو شروع ہوا تھا۔ کاغذات نامزدگی جمع کرانے والی اہم اور نمایاں شخصیات میں لیبیا کے سابق سربراہ کرنل معمر قذافی کا بیٹا سیف الاسلام قذافی، لیبی فوج کے سربراہ خلیفہ حفتر، عبوری حکومت کے سربراہ عبدالحمید دبیبہ اور پارلیمان کے اسپیکر عقیلہ صالح شامل ہیں۔
