کندھکوٹ(نمائندہ جسارت)کندھکوٹ سندھی ثقافت کے رنگوں میں رنگ گیا۔ سندھی میڈیا کی کال پر سخی جمن شاہ غازی کے مزار پر حاضری کے موقع پرسندھ دھرتی کے لیے خصوصی دعائیں کی گئیں۔ شہر میں مختلف سیاسی، سماجی تنظیموں اور شہری نوجوانوں کی جانب سے سندھ کی ثقافت کی علامت اجرک وٹوپی پہن کرثقافت کا دن بڑے جوش وجذبے سے منایا گیا۔ پیپلزپارٹی ،سندھ ترقی پسند پارٹی، قومی عوامی تحریک،جساف،ڈسٹرکٹ بار، پریس کلب اور مختلف برادریوںکی جانب سے ریلیاں نکالی گئیں۔ اس موقع پر مختلف رہنمائوں نے اس عزم کا اعادہ کیا کہ سندھ کی ترقی کے لیے کسی قربانی سے دریغ نہیں کریں گے۔
