سرائیوو (انٹرنیشنل ڈیسک) بوسنیا ہرزیگووینا کے سرب حصے والے پارلیمان نے مرکزی حکومت سے آزادی حاصل کرنے کے حق میں ووٹ دیا ہے۔ بوسنیائی سرب رہنما میلوراڈ ڈوڈک نے ارکان پارلیمان سے خطاب کرتے ہوئے کہا کہ یہ ریپبلیکا سرپسکا کی آزادی کا لمحہ ہے۔ اس طرح ری پبلک سرپسکا بوسنیا کی مسلح افواج، عدلیہ اور ٹیکس نظام سے دستبرداری حاصل کر سکتی ہے۔ منظور کی گئی قرارداد کے مطابق آیندہ 6ماہ میں سرپسکا میں نئے قوانین متعارف کروائے جائیں گے۔ مقامی میڈیا کے مطابق اس طرح مقامی سرب اور مرکزی بوسنیا ہرزیگووینا کی حکومت میں تنازع مزید شدت اختیار کر سکتا ہے۔
