اسلام آباد/ کراچی (مانیٹرنگ ڈیسک/ اسٹاف رپورٹر) ملک بھر میں کورونا وائرس سے 24 گھنٹے کے دوران مزید 7 مریض انتقال کرگئے۔ اتوار کو نیشنل کمانڈ اینڈ آپریشن سینٹر کے مطابق گزشتہ روز ملک میں کورونا کی تشخیص کے لیے 46 ہزار 6 ٹیسٹ کیے گئے جن میں سے 288 افراد میں کورونا وائرس کی تصدیق ہوئی۔گزشتہ روز اس وبا نے مزید 7 افراد کی زندگی کو نگل لیا جب کہ مثبت کیسز کی شرح 0.62 فیصد ریکارڈ ہوئی ہے۔ اس کے علاوہ 740 مریضوں کی حالت تشویشناک ہے۔
