کراچی: شہر قائد میں کل سے سردی کی شدت میں اضافے کا امکان ہے۔
چیف میٹرولوجسٹ کراچی سردار سرفراز کا کہنا ہے کہ مغربی ہواؤں کا سسٹم پاکستان پر اثرانداز ہورہا ہے، جس کے باعث کل سے کراچی میں سردی کی شدت میں اضافہ کا امکان ہے، شہر کا درجہ حرارت رات میں 10 سے 11 ڈگری کے درمیان رہ سکتا ہے۔
انہوں نے کہا کہ 16 دسمبر کے بعد درجہ حرارت مزید کم ہوکر سنگل ڈجیٹ میں آسکتا ہے اور دن میں بھی درجہ حرارت 23 سے 24 کے درمیان رہ سکتا ہے۔
چیف میٹرولوجسٹ نے کہا کہ ملک کے شمالی علاقوں میں ہلکی بارش اور پہاڑوں پر برف باری کا امکان ہے۔
