اسلام آباد:مشیر خزانہ شوکت ترین نے کہا ہے کہ حکومت معاشی سرگرمیوں کے فروغ، روزگار کے مواقع اور کاروباری سرگرمیوں کو بڑھانے کے اقدامات کو فروغ دے رہی ہے۔
تفصیلات کے مطابق مشیر خزانہ شوکت ترین سے چیئرمین آل پاکستان کار ڈیلرز اینڈ امپورٹرز ایسوسی ایشن میاں شعیب احمد نے ملاقات کی ۔اس موقع پر وفاقی وزیر صنعت و پیداوار مخدوم خسرو بختیار، مشیر تجارت عبدالرزاق داؤد، سیکرٹری تجارت، ممبر ایف بی آر اور سینئر افسران بھی موجود تھے ۔
چیئرمین اے پی ڈی اے نے مشیر خزانہ کو کار ڈیلرز اور کاروں کی درآمد سے متعلق مختلف مسائل کے حل سے آگاہ کیا۔مشیر خزانہ شوکت ترین نے ملک کی معاشی ترقی میں کار ڈیلرز کے کردار کو سراہا۔ مشیر خزانہ شوکت ترین نے کہا کہ حکومت معاشی سرگرمیوں کے فروغ، روزگار کے مواقع اور کاروباری سرگرمیوں کو بڑھانے کے اقدامات کو فروغ دے رہی ہے،مشیر خزانہ شوکت ترین نے مسائل کو حل کرنے کی یقین دلتے ہوئے ہر ممکن تعاون فراہم کرنے کی یقین دھانی کرائی اور وفد پر ملکی معاشی استحکام اور ترقی کے لئے زیادہ سے زیادہ کردار ادا کرنے پر زوردیا۔
