کویت : یورپ سے آنے والے 12مسافروں میں اومیکرون کی تصدیق کی گئی ہے، ان افراد کا کویت میں آمد کے بعد کرونا وائرس کی نئی شکل اومیکرون کا ٹیسٹ کیا گیا تھا، جس کا نتیجہ مثبت آیاہے۔
تفصیلات کے مطابق اب انھیں وزارت صحت کے وائرس کی اس نئی شکل کی روک تھام کے اقدامات کے تحت الگ تھلگ کردیا گیا اور وہ قرنطینہ میں ہیں، حکام نے کویت پہنچنے والے تمام افراد پر زور دیا کہ وہ وائرس سے متاثر نہ ہونے کے باوجود انفیکشن کی صورت میں خود کو الگ تھلگ کردیں اور اجتماعات میں جانے سے گریزکریں۔
چہرے پر ماسک پہننے سمیت تمام حفاظتی احتیاطی تدابیر کی تعمیل کریں۔حکومت نے شہریوں اورمکینوں کو مشورہ دیا کہ وہ غیرضروری سفرسے گریزکریں اور صحت کے تمام رہ نما اصولوں اور احتیاطی تدابیرپرعمل کریں۔
