ہنگو: خیبر پختون خواہ کے ضلع ہنگو میں گیس لیکیج کے باعث دم گھٹنے سے 6 افراد جاں بحق ہوگئے۔
میڈیا رپورٹس کے مطابق ہنگو کے علاقے گلشن کالونی میں گھر میں گیس کے اخراج کا واقعہ پیش آیا، کمرے میں گیس لیکیج کے باعث دم گھٹنے سے 6 افراد جاں بحق ہوگئے جن میں میاں بیوی اور ان کے چار بچے شامل ہیں۔
واقعہ کی اطلاع ملتے ہی امدادی کارکن جائے وقوعہ پر پہنچ گئے، اور لاشوں کو ڈسٹرکٹ ہیڈ کوارٹر اسپتال منتقل کردیا۔ جاں بحق ہونے والوں میں نادر خان، اس کی بیوی، بیٹی اور تین بیٹے شامل ہیں۔
