سوشل ميڈيا پر وزیراعظم کے خلاف غير اخلاقی پوسٹ کرنے پر لاہور ایف آئی اے سائبر کرائم نے کارروائی کرتے ہوئے ايک شخص کو حراست ميں لے ليا ہے۔ اس شخص کا تعلق مسلم لیگ ن سے بتایا جا رہا ہے۔
ملزم کو ايف آئی اے سائبر کرائم نے ماڈل ٹاون سے حراست ميں ليا ہے۔ ايف آئی اے سائبر کرائم ذرائع کے مطابق حراست میں لئے جانے والے شخص کا نام صابر محمود ہے۔
لاہور :ایف آئی اے سائبر کرائم نے کارروائی کرتے ہوئے سوشل ميڈيا پر وزیر اعظم کے خلاف غيراخلاقي پوسٹ کرنے پر ايک شخص کو حراست ميں لے ليا۔ملزم کو ايف آئی اے سائبرکرائم نے ماڈل ٹاون سے حراست ميں ليا ہے۔
— Arshad Chaudhry (@arshdchaudhary) February 14, 2022
ايف آئی اے سائبرکرائم نے حراست ميں لئے گئے شخص کا موبائل بھی قبضہ ميں لے ليا ہے۔ اس سے مزید تفتیش کی جا رہی ہے۔
یہ بھی پڑھیں: خاتون اول کیخلاف گھٹیا اور من گھڑت خبریں، حکومت کا قانونی چارہ جوئی کا اعلان
خیال رہے کہ معاون خصوصی ڈاکٹر شہباز گل نے متنبہ کیا تھا کہ وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے والوں کیخلاف سخت ایکشن لیتے ہوئے انھیں عدالت میں لے جایا جائے گا۔
https://t.co/HafbWnSA5v pic.twitter.com/7R9whLrrBR
— Arshad Chaudhry (@arshdchaudhary) February 14, 2022
سماجی رابطوں کی ویب سائٹ ٹویٹر پر جاری اپنے بیان میں ڈاکٹر شہباز گل کا کہنا تھا کہ پہلے ہی نجم سیٹھی کے خلاف ہم عدالت میں ہیں۔ ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی۔
انہوں نے کہا تھا کہ خاتون اوّل اور وزیراعظم دونوں اسلام آباد میں موجود ہیں۔ پورے ایک سال میں خاتون اوّل صرف ایک ہفتے کے لئے لاہور تشریف لے کر گئیں۔
وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے پر پہلے ہی نجم سیٹھی کے خلاف ہم عدالت میں ہیں۔ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی۔خاتون اوّل اور وزیراعظم دونوں اسلام آباد میں موجود ہیں
— Dr. Shahbaz GiLL (@SHABAZGIL) February 12, 2022
ان کا کہنا تھا کہ پچھلے چند مہینوں سے وہ لاہور تشریف نہیں لے کر گئیں اور اسلام آباد میں تشریف فرما ہیں۔
شہباز گل نے متنبہ کیا کہ سیاست اور صحافت کریں لیکن اہلخانہ جو سیاست میں موجود ہی نہیں، ان کے بار جھوٹی جعلی خبریں دیں گے تو عدالت لے کر جائیں گے۔
