لاہور (آن لائن) مسلم لیگ (ن) نے پیٹرولیم مصنوعات کی قیمتوں میں اضافے کے خلاف قرارداد پنجاب اسمبلی سیکرٹریٹ میں جمع کر ادی۔ مسلم لیگ(ن)کی رکن سعدیہ تیمور کی جانب سے جمع کرائی گئی قرارداد کے متن میں کہا گیا ہے کہ پاکستان کی تاریخ میں پہلی مرتبہ پیٹرول کی فی لیٹر قیمت 159روپے تک پہنچ گئی ہے،حکومت نے آئی ایم ایف کے کہنے پر پیٹرول کی قیمت میں 12روپے اضافہ کیا،حکومت پاکستان کے عوام اور خودمختاری کیلئے خطرہ بن چکی ہے ،مطالبہ ہے کہ وزیراعظم عمران خان فوری عہدے سے مستعفی ہوں۔
