حیدرآباد (اسٹاف رپورٹر) حیدرآباد ایوان تجا رت و صنعت کے صدر محمد فیضان الٰہی ،سینئر نائب صدر محمد عارف ، نائب صدر دانش شفیق قریشی و اراکین مجلس عاملہ نے مشترکہ بیان میں کہا کہ وزیر اعظم پاکستان کے حالیہ قوم سے خطاب کو تاجربرادری میں سراہا جا رہا ہے ، ان کا کہنا تھا کہ حکومت کی طرف سے انڈسٹریل پیکیج خوش آئند اقدام ہے ، انڈسٹریل پیکیج سے ملک میں معا شی انقلاب آئے گا اور کاروبا ری سرگرمیوں کے فروغ سے عوام کو روزگار کے نئے مواقع میسر ہوں گے ، حکومتی اقدامات سے مہنگائی میں قابو پانے پر مدد ملے گی ، ایمنسٹی اسکیم سے سرمایہ کاروں کو نئی صنعتوں کے قیام اور بیما رصنعتوں کو فعال بنانے میں مدد ملے گی ، بیمار صنعتوں کی بحالی پر 3سال ٹیکس استثنا بھی اچھا اقدام ہے ، ٹیکس نیٹ بڑھا کر ٹیکسوں کی شرح میں کمی جیسے اقدامات قابل تعریف ہےں ، حکومت کی مثبت پالیسی سے صنعتی پیداوار میں اضافہ ہو گا اور ملک کی بر آمدات بڑھانے میں بھی کامیابی ہو گی ، حیدرآباد ایوان تجا رت و صنعت کے صدر محمد فیضان الٰہی نے وزیراعظم عمران خان اور وفاقی وزیر صنعت و پیداوار خسرو بختیار کو انڈسٹریل پیکیج دینے پر مبارکباد دی ۔
