اسلام آباد (آئی این پی) تحریک انصاف کے رہنما شہباز گل نے وزیراعظم شہباز شریف پر ترقیاتی منصوبوں کے ٹھیکیدار بدلنے کا الزام عاید کردیا۔ پی ٹی آئی کے رہنما شہباز گل نے سماجی رابطے کی ویب سائٹ ٹوئٹر پر لکھا کہ شہباز شریف نے ترقیاتی کاموں میں ٹھیکیداروں کو بدلنا شروع کردیا۔ انہوں نے الزام عاید کرتے ہوئے کہا کہ شہباز شریف نے کمیشن بنانے کیلیے اپنے ٹھیکیدار لانے شروع کر دیے ہیں کیونکہ انہیں پتا ہے ان کے پاس وقت کم ہے۔ شہباز گل نے کہا کہ عمران خان نے تمام منصوبے شفاف طریقے سے چلائے۔
