ریاض (انٹرنیشنل ڈیسک) سعودی وزارت حج و عمرہ نے 10 عمرہ کمپنیوں کے خلاف سزا کا اعلان کردیا،جس کے تحت ہر کمپنی کو 50 ہزار ریال تک جرمانہ ادا کرنا ہو گا۔ سزا کی وجہ کمپنیوں کی جانب سے معتمرین کو پیش کی جانے والی خدمات میں غفلت ہے۔ یہ بے ضابطگیاں معتمرین کو ناقص رہایش اور ٹرانسپورٹ فراہم کرنے کے حوالے سے ہیں۔ ادھر امام کعبہ شیخ عبدالرحمن السدیس نے روزے داروں کو افطار کرانے کے عمل میں خود شرکت کی اور خاص طور پر بچوں میں افطار کے پیکٹ تقسیم کیے۔
