ڈی آئی خان: سیکورٹی فورسز سے فائرنگ کے تبادلے میں 2 دہشت گرد ہلاک

راولپنڈی: ڈیرہ اسماعیل خان کے علاقے کولاچی میں سیکورٹی فورسز سے فائرنگ کے تبادلے میں 2 دہشت گرد ہلاک ہو گئے-

پاک فوج کے شعبہ تعلقات عامہ آئی ایس پی آر کے مطابق ڈیرہ اسماعیل خان کے علاقے کولاچی میں سیکورٹی فورسز اور دہشت گردوں کے درمیان فائرنگ کا تبادلہ ہوا، جس میں 2 دہشت گرد وں کو ہلاک کر دیا گیا-

آئی ایس پی آر کا کہنا ہے کہ مارے جانے والے دہشت گردوں کے قبضے سے اسلحہ اور بارودی مواد برآمد ہوا ہے، ہلاک ہونے والے دہشت گرد سکیورٹی فورسز کے خلاف مختلف کارروائیوں میں ملوث تھے۔