کراچی: پاکستان پیپلزپارٹی کے رہنما منظور وسان نے کہا ہے کہ عمران خان کے قریبی ساتھی ہماری پارٹی میں آرہے ہیں ،عمران خان کولانے والے اب دوبارہ ایسی غلطی نہیں کریں گے۔
سندھ ہائیکورٹ کے باہر میڈیا سے گفتگو کرتے ہوئے منظور وسان نے کہا کہ ملکی حالات بہتری کی طرف نہیں جارہے، عمران خان کولانے والے اب دوبارہ ایسی غلطی نہیں کریں گے، لوگ آہستہ آہستہ عمران خان سے دوریاں اختیار کریں گے اور ان کے بہت سے قریبی ساتھی ہماری پارٹی میں آرہے ہیں۔
صحافی نے منظور وسان سے سوال کیا کہ کیا آپ ان کو قبول کریں گے، اس پر پی پی رہنما نے کہا کہ بالکل سیاست ہے قبول کرنا پڑتا ہے، جب تیسرا مرحلہ آئیگا تو عمران خان کے قریبی ساتھی اسے خدا حافظ کہیں گے۔
