لاہور:وزیر اعلیٰ پنجاب چوہدری پرویزالٰہی نے سیلاب کے خدشے کے پیش نظر میانوالی کی انتظامیہ اور متعلقہ اداروں کو الرٹ رہنے کا حکم دے دیاہے۔
وزیر اعلیٰ پنجاب چوہدری پرویزالٰہی نے سیلاب کے خدشے کے پیش نظر میانوالی کی انتظامیہ اور متعلقہ اداروں کو الرٹ رہنے کا حکم جاری کرتے ہوئے کہا کہ لوگوں کے بروقت انخلا کیلئے تمام وسائل بروئے کار لائے جائیں۔
حفاظتی انتظامات ہر لحاظ سے موثر اور جامع ہونے چاہئیں۔انہوںنے کہا کہ ادویات، پینے کے صاف پانی، مویشیوں کیلئے چارہ اور ضروری ساز و سامان کا وافر سٹاک رکھا جائے، دریائے سندھ میں پانی کے بہا ئوکو 24 گھنٹے مانیٹر کیا جائے۔
متعلقہ افسران دریا کے بند اور حفاظتی پشتوں کا موقع پر جا کر خود جائزہ لیں۔
