اسلام آ باد:سیلاب سے ملک بھر میں سیکڑوں شاہراہیں اور پل ٹوٹ گئے۔
این ڈی ایم اے کے مطابق سیلاب کے باعث ملک بھر کے 149پلوں کو سیلاب سے نقصان پہنچا ہے۔ بلوچستان میں کوئٹہ کراچی نیشنل ہائی وے لینڈسلائیڈنگ کی وجہ سے بند ہے۔
ڈیرہ غازی خان لورالائی شاہراہ پر بھی ٹریفک کی آمد و رفت معطل ہے۔ گلگت بلتستان میں نلتر،غذر ،شندور اور ششپر ویل کی سڑکیں سیلاب کی وجہ سے بند ہیں۔
خوازہ خیلہ سے بشام اور جھل کٹ تک نیشنل ہائی وے کو بند کیا گیا ہے۔ پنجاب میں این55 فاضل پورسے راجن پور تک بند ہے۔
این ڈی ایم اے کے مطابق سندھ میں بارشوں اور سیلاب کے باعث 2ہزار 328 کلومیٹر سڑک کو نقصان پہنچا، بلوچستان میں ایک ہزار کلومیٹر سڑکیں تباہ ہوگئیں۔
