پاکستان تحریک انصاف (پی ٹی آئی) کے رہنما مراد سعید نے مجمع زیادہ دکھانے کے لیے کئی ماہ پرانے جلسے کی ویڈیو شیئر کردی۔
گزشتہ روز تحریک انصاف کی جانب سے پشاور میں جلسہ کیا گیا تھا جس سے عمران خان نے بھی خطاب کیا تھا۔
مراد سعید نےکل 6 ستمبرکے جلسےکے بجائے تحریک انصاف کے پرانے جلسے کی ویڈیو سوشل میڈیا پر شیئر کی جس میں کل کے جلسے کے مقابلے میں قدرے زیادہ افراد موجود تھے۔
— Murad Saeed (@MuradSaeedPTI) September 6, 2022
تحریک انصاف کے رہنما فیصل جاوید نےکل ہونے والے جلسے میں آسمانی رنگ کا لباس پہنا تھا جب کہ مراد سعیدکی شیئر کی گئی ویڈیو میں فیصل جاویدکو سیاہ کپڑوں میں دیکھا جاسکتا ہے۔
خیال رہےکہ پی ٹی آئی کے پشاور میں کل کے جلسے میں کارکنوں کی شرکت کم رہی تھی، جس کا اعتراف خود معاون خصوصی خیبرپختونخوا بیرسٹر سیف نے بھی کیا۔
