امریکی صدر جو بائیڈن کی جانب سے پاکستان کے ایٹمی پروگرام کے بارے میں غیر ضروری بیان پر حکومت کی جانب سے انتہائی سخت ردعمل کا اظہار کیا گیا ہے۔ دفتر خارجہ نے اسلام آباد میں متعین امریکی سفیر ڈونلڈ بلوم کو طلب کیا۔
امریکی سفیر نے دفتر خارجہ میں حاضری کے بعد قائم مقام سکریٹری خارجہ جوہر سلیم سے ملاقات کی۔ سکریٹری خارجہ نے امریکی سفیر کو صدر بائیڈن کے الفاظ پر پاکستان کی تشویش اور نکتہ نظر سے آگاہ کیا۔
سفارتی ذرائع کا کہنا ہے کہ پاکستان کے ایٹمی پروگرام کے بارے میں امریکا کے خدشات بے بنیاد اور غلط فہمی کا نتیجہ ہیں۔ پاکستان نے امریکی سفیر کے سامنے اپنا موقف پیش کیا کہ پاکستان نے ہمیشہ ذمہ دار جوہری ریاست کا کردار ادا کیا اور آئندہ بھی کرتا رہے گا۔
ائی اے ای اے ہمیشہ پاکستان کے جوہری پروگرام اطمینان کا اظہار کرتی رہی ہے۔ اس موقع پر امریکہ سفیر کو مراسلہ بھی دیا گیا۔
