ایمبولینس میں جڑواں بچوں کی پیدائش

پشاور سلطان کالونی کی رہائشی خاتون کو ڈیلیوری کے لیے ریسکیو ایمبولینس میں ہسپتال منتقل کیا جارہا تھا۔ خاتون کے حالت کو مدنظر رکھتے ہوئے ہسپتال منتقلی کے دوران گھر والوں کی اجازت اور موجودگی میں خاتون ایمرجنسی میڈیکل ٹیکنیشن نے پیشہ وارانہ طریقے سے ایمبولینس میں ہی خاتون کی ڈیلیوری کرا دی۔خاتون نے جڑواں بچوں کو جنم دیا۔ ریسکیو ایمبولینس میں ڈیلیوری کیٹ اور دیگر سامان موجود ہے جسے استعمال میں لایا گیا۔ زچہ و بچہ دونوں صحتمند اور ٹھیک ہیں۔