وزیر خارجہ بلاول بھٹو زرداری 9 اور 10 نومبر 2022 کو مملکت سعودی عرب کا سرکاری دورہ کررہے ہیں۔ وزیر خارجہ دورے کے دوران اپنے سعودی ہم منصب کے ساتھ ملاقات کریں گے۔
بلاول بھٹو سعودی پاکستان سپریم کوآرڈینیشن کونسل کی سیاسی اور سلامتی امور کی مشترکہ ذیلی کمیٹی کے اجلاس کی مشترکہ صدارت کریں گے۔ وزیر خارجہ اپنے دورے کے دوران خلیج تعاون کونسل کے سیکرٹری جنرل سے بھی ملاقات کریں گے۔
سرکاری مصروفیات کے علاوہ وزیر خارجہ مقامی میڈیا سے بھی بات چیت کریں گے۔ وزیر خارجہ کا دورہ سعودی عرب کے ساتھ پاکستان کے تعلقات کو مزید وسعت دے گا۔
