ریاض:سعودی عرب میں کھجور فیسٹول کے نویں ایڈیشن کا افتتاح کردیا گیا، الجوف ریجن کے گورنر شہزادہ فیصل بن نواف بن عبدالعزیز نے د وم الجندل میں فیسٹول کا افتتاح کیا۔
اس میلے کا اہتمام میونسپلٹی آف دوم الجندل نے کیا اور اس کی سرگرمیاں دوم الجندل گورنری میں 7 دن تک جاری رہیں گی۔
میڈیارپورٹس کے مطابق فیسٹیول کے اختتام پر عزب مب شہزادہ فیصل بن نواف بن عبدالعزیز کے ایوارڈ کے تحت جیتنے والوں کو انعامات سے نوازا جائے گا۔ انعامات کی مالیت ایک لاکھ ریال رکھی گئی ۔
الجوف ریجن کے میئر انجینئر عاطف بن محمد الشرعان نے علاقے میں تہواروں اور مختلف شعبوں خصوصا زرعی شعبے اور تاریخ میں تعاون کرنے پر الجوف کے امیر کا شکریہ ادا کیا۔
الشرعان نے گزشتہ برسوں میں کھجور میلے کی حاصل کردہ کامیابیوں کا تذکرہ کیا،انہوں نے کہا کہ اس میلے سے کسانوں کے لیے مارکیٹنگ کے مواقع پیدا ہوتے ہیں۔ فیسٹول نے الجوف کی مصنوعات کے معیار کو مقامی اور علاقائی طور پر متعارف کرانے میں اہم کردار ادا کیا ہے۔ فیسٹول کے انعقاد میں شہزادہ فیصل بن نواف کا کلید ی کردار ہے۔
