ترکیہ کے لیے قابل فخر مقامی الیکٹرک کار کو جرمن پریس میں سراہا گیا ہے۔
جرمنی کے روزنامہ The Frankfurter Allgemeine Zeitung نے Togg الیکٹرک کار کے بارے میں اپنی خبر کو نمایاں طور پر شائع کرتے ہوئے اس کی مان میں ہونے والے اضافے سے آگاہ کیا ہے۔
اخبار نے ترکیہ کی آٹوموبائل کے بارے میں اپنی خبر میں لکھا ہے کہ زیادہ مانگ کی وجہ سے منصوبہ بندی سے زیادہ گاڑیاں فروخت کرنے کا پلان بنایا گیا ہے۔
اخبار نے ترکیہ میں مقامی طور پر تیار پہلی الیکٹرک کار مارکیٹ میں آرہی ہے کے زیر عنوان اپنی خبر میں لکھا ہے کہ کار کے پری آرڈر کے 100 ہزار سے تجاوز کر جانے کے بعد 2023 میں ڈیلیوری کی جانے والی سمارٹ ڈیوائسز کی تعداد 12 سے بڑھا کر 20 ہزار کردی گئی ہے۔
اخبار نے لکھا ہے کہ جو صارفین توگ میں دلچسپی رکھتے ہیں لیکن ترکیہ سے باہر کسی اور ملک میں مقیم ہیں تو انہیں مزید انتظار کرنا پڑے گا۔
اخبار نے لکھا ہے کہ مغربی یورپی منڈیوں کو برآمدات 2024 میں شروع کی جائے گی۔
اخبار کے مطابق موجودہ پیداواری صلاحیت، جو موسم خزاں میں شروع ہوئی، 100 ہزار گاڑیاں سالانہ ہے۔ بتایا گیا ہے کہ اسے بتدریج 175,000 تک بڑھانے کا فیصلہ کیا گیا ہے۔
اخبار کے مطابق 2030 تک ایک ملین کاروں کی فروخت کا ہدف مقرر کیا گیا ہے۔
