ڈنمارک میں ایک بار پھر قرآن مجید اور ترکیہ کے پرچم کے خلاف اشتعال انگیز حملہ کیا گیا۔
ترکیہ کے کوپن ہیگن سفارت خانے کے سامنے ترک پرچم اور قرآن پر دوبارہ حملہ ڈنمارک کے اسلامو فوبیا اور انتہائی قوم پرست پیٹریوٹرن گار لائیو (پیٹریئٹس آن ائیر ) نامی گروپ کے ایک رکن نے کیا۔
اسلام مخالف بینرز ساتھ دین ِاسلام کی توہین کے نعرے اور ترک پرچم کی بے عزتی کرنے والے اشتعال انگیز شخص نے یہ لمحات اپنے ٹوئٹر اکاؤنٹ پر لائیو شیئر کیے۔
ڈنمارک میں ترکیہ کے صدارتی اور پارلیمانی انتخابات کے دائرہ کار میں جمعرات کو ووٹنگ کا عمل شروع ہوا تو ووٹ ڈالنے کے لیے سفارت خانے جانے والے ترک رائے دہندگان نے اس اشتعال انگیزی پر ردعمل کا اظہار کیا۔
ایک ترک شہری کو ڈنمارک کی پولیس کی مداخلت کا سامنا کرنا پڑا جب اس نے ترک پرچم زمین سے اٹھاتے ہوئے اشتعال انگیزی کرنے والے کو خبردار کیا۔
جبکہ پولیس نے ترک شہریوں کو خبردار کیا کہ "اس اشتعال انگیزی میں مداخلت نہ کریں”، وہ اشتعال انگیزی کرنے والے کے گرد احتیاطی تدابیر اختیار کرتے رہے۔
مظاہرے کے بعد، جس میں کسی قسم کا تشدد نہیں ہوا، ترکیہ کے ردعمل، انتباہات اور توقعات کے بارے میں ڈینش حکام کو مطلع کر دیا گیا ہے۔
یاد رہے کہ اسلام مخالف اور انتہائی قوم پرست Payrioterne Gar Live گروپ نے ڈنمارک میں 24 اور 31 مارچ اور 14 اپریل کو بھی ترکیہ کے کوپن ہیگن سفارتخانے کے سامنے قرآن پاک اور ترک پرچم کی بے حرمتی کی تھی۔
