لاہور: استحکام پاکستان پارٹی کے سربراہ جہانگیر ترین نے علیم خان کو نئی سیاسی جماعت کا صدر اور عامر محمود کو جنرل سیکرٹری مقرر کردیا۔
سماجی رابطوں کی ویب سائٹ ٹوئٹر پر اعلان کرتے ہوئے پارٹی سربراہ جہانگیر ترین نے کہا کہ میں عبدالعلیم خان کو استحکام پاکستان پارٹی کا صدر مقرر کرتے ہوئے خوشی محسوس کررہا ہوں۔
انہوں نے اعلان کیا کہ عون چودھری پارٹی کے ایڈیشنل سیکرٹری جنرل ہوں گے جب کہ وہ اس عہدے کے ساتھ پارٹی کے ترجمان اور پیٹرن انچیف بھی ہوں گے۔ علاوہ ازیں استحکام پاکستان پارٹی کے سیکرٹری جنرل عامر محمود کیانی ہوں گے۔
