کرغزستان اور تاجکستان کے درمیان 970کلومیٹر طویل سرحد کے 503 کلومیٹر کے متنازعہ علاقے کے 101.3 کلومیٹر حصے پر مفاہمت طے ہو گئی ہے ۔
کرغز حکومت کے پریس دفتر سے جاری بیان کے مطابق، اس سال کے دوران متعدد بار مذاکرات کے نتیجے میں دو شنبہ میں ہونے والی حالیہ ملاقات کے بعد یہ تنازعہ حل کر لیا گیا ہے۔
یاد رہے کہ دو سال قبل اس متنازعہ سرحدی علاقے میں جھڑپوں کے باعث دونوں ملکوں نے اپنی سرحدیں تجارت کے لیے بند کردی تھیں جبکہ گزشتہ سال ہوئی جھڑپوں میں درجنوں افراد بھی ہلاک ہو گئے تھے۔
