لاہور: مشیر کھیل پنجاب وہاب ریاض نے ایتھلیٹ ارشد ندیم کے لیے 30لاکھ کی انعامی رقم کا اعلان کیا ہے۔
ذرائع کے مطابق نگراں وزیراعلی ٰ پنجاب محسن نقوی کی ہدایت پر محکمہ اسپورٹس نے ارشد ندیم کے لیے 30 لاکھ روپے انعام کی رقم کا اعلان کیا ،اس موقع پر وہاب ریاض نے کہا کہ ارشد ندیم سمیت تمام قومی کھلاڑیوں کی پذیرائی کے لیے کام کررہے ہیں۔
انہوں نے کہا کہ وزیر اعلیٰ پنجاب کی ہدایت پر اسپورٹس سیکٹر کو مستحکم کرنے پر کام کررہے ہیں۔ پنجاب انڈونمنٹ فنڈ کا اجرا جلد کیا جارہا ہے۔پنجاب میں کھیل اور کھلاڑیوں کا مستقبل روشن ہے۔ تمام کھلاڑی جذبے اور لگن سے محنت کریں، حکومت پنجاب آپ کی سرپرستی کرے گی۔
