نئی دہلی:بھارتی ریاست گجرات میں دو روز سے گرج چمک کے ساتھ بارش، طوفان اور کچھ علاقوں میں شدید ژالہ باری سے42 افراد ہلاک اور 30 کے قریب زخمی ہو گئے۔
بھارتی میڈیا کے مطابق ریاست گجرات میں 24گھنٹوں میں 144ملی میٹر بارش ریکارڈ کی گئی۔طوفانی بارشوں نے کئی مکانات کو تباہ کردیا جب کہ مال مویشی کو بھی نقصان پہنچا۔آسمانی بجلی گرنے کے واقعات زیادہ تر کھیتوں اور میدانی علاقوں میں پیش آئے۔ ان علاقوں میں بارشوں کے دوران آسمانی بجلی گرنے کے واقعات عام ہیں تاہم پہلی بار اتنی ہلاکتیں ہوئی ہیں۔
ریاستی حکومت نے آسمانی بجلی گرنے کے واقعات میں جانی اور مالی نقصان کا اندازہ لگانے کے لیے سروے کمیٹی تشکیل دیدی ہے جس کی بنائی گئی رپورٹ کی بنیاد پر متاثرین کی مالی مدد کی جائے گی۔
