اسلام آباد : آزادی مارچ کیسز میں اسلام آباد کی ضلعی اور سیشن عدالت نے سابق وزیراعظم اور پی ٹی آئی کے بانی عمران خان سمیت دیگر پارٹی رہنماؤں کی بریت کی درخواستوں پر فیصلہ محفوظ کر لیا ہے۔
میڈیا کی رپورٹ کے مطابق یہ درخواستیں پارٹی کے آزادی مارچ سے منسلک دو مقدامات کے متعلق آبپارہ پولیس اسٹیشن میں درج ہیں ۔
جوڈیشل مجسٹریٹ یاسر محمود نے سماعت کی جس میں پی ٹی آئی کے وکلاء سردار مسروف ایڈووکیٹ اور آمنہ علی نے اپنے مؤکلوں کو بری کرنے کے حق میں دلائل دیے۔
سردار مسروف نے دلیل دی کہ ایف آئی آر مناسب اتھارٹی کی طرف سے درج نہیں کی گئیں اور زور دیا کہ اگر ٹرائل ختم بھی ہو جائے تو بھی استغاثہ کی جانب سے کوئی ٹھوس ثبوت پیش کرنے میں ناکامی کی وجہ سے سزا کا امکان نہیں ہے۔
