کراچی: شدید گرمی کے سبب شہر قائد کے وکلا نے دوران سماعت سیشنز ججز سے کالا کوٹ پہننے سے استثنی مانگی ہے۔
میڈیا رپورٹس کے مطابق کراچی بار ایسوسی ایشن کےجنرل سیکریٹری نے حالیہ ہیٹ ویو میں شدید گرمی پڑنے پر سیشنز ججز کوکالا کوٹ نہ پہننے پر خط ارسال کیا ہے، جس میں تحریر کیا گیا ہے کہ موسم کی شدت کی وجہ سے وکلا کو 10 روز کیلیے کالا کوٹ پہننے سے استثنی دیا جائے۔
خط میں مزید تحریر کیا گیا ہے کہ ہیٹ ویو کے موسم میں وکلا کیلیے کالا کوٹ پہننا کسی چیلنج سے کم نہیں ہے، گرمی کی شدت کے سبب اپنے فرائض انجام دیتے وقت صحت کی حفاظت کے لیے کالا کوٹ پہننا نقصادہ ثابت ہورہاہے، جس کی وجہ سے تمام ججز 10 دنوں کے لیے کالاکوٹ سے استثنی دیں۔
