اسلام آباد:وفاقی دارالحکومت میں الیکشن کمیشن نے بلدیاتی انتخابات کے ملتوی ہونے کا نوٹیفکیشن جاری کر دیا۔
میڈیا رپورٹس کے مطابق الیکشن کمیشن کی جانب سے بلدیاتی انتخابات کے ملتوی کرنے کے نوٹی فکیشن میں کہا گیا ہے کہ پارلیمنٹ میں نئی قانون سازی کے باعث بلدیاتی الیکشن ملتوی کیے، اسلام آباد کے بلدیاتی انتخابات اب 9اکتوبر کو ہونگے۔
خیال رہے کہ اسلام آباد بلدیاتی انتخابات ترمیمی بل وفاقی وزیر قانون اعظم نذیر تارڑ نے پیش کیا تھا، جسے اسمبلی میں کثرت رائے کے ساتھ منظور کرلیا گیا تھا، جس کے بعدالیکشن کمیشن نے بلدیاتی انتخابات ملتوی کیے ہیں۔
